Më 8 korrik 2025, KAMP dhe AgroDev Kosovo formalizuan bashkëpunimin e tyre për të fuqizuar sektorin e qumështit në Kosovë, përmes një Memorandumi Mirëkuptimi (MoU).
Qëllimi? Forcimi i bashkëpunimit në projekte të përbashkëta që përmirësojnë prodhimin, cilësinë dhe zinxhirin e vlerës së qumështit në vend. 
Ky partneritet përfshin:
Organizimin e tryezave të rrumbullakëta & diskutimeve sektoriale 
Vizita të ndërsjella me fermerë nga rajoni 
Iniciativa në bujqësinë digjitale & teknologji të mençura 
Fushata edukative dhe promovim i produkteve vendore 
Hulumtime sektoriale dhe thirrje të përbashkëta për projekte 
Objektivat kryesore:
Rritja e prodhimit dhe cilësisë së qumështit 
Ngritja e kapaciteteve të fermerëve 
Qasje më e mirë në financa & treg 
Zhvillim i qëndrueshëm rural 
Ky është një hap i rëndësishëm drejt zhvillimit të qëndrueshëm dhe bashkëpunimit afatgjatë në sektorin e qumështit në Kosovë. 
